Ако ви дадат златна рибка – ќе знаете ли јасно да ѝ кажете што сакате, или…?
Застанете на момент и одговорете си на ова прашање.
Никој никогаш не направил план да ги има предизвиците со кои се соочува. Тие најчесто се случуваат кога нема јасен план и кога му дозволуваме на животот да нè води, наместо ние да го водиме него.
Coaching е поддршка да им погледнете на „тешките“ прашања во очи и да направите план – односно да ја преземете одговорноста за сопствените постапки и резултати.
Првиот чекор е да ја „скенирате“ моменталната состојба: каде точно сте и каква е реалната слика – дури и кога дел од неа е предизвикот со кој се соочувате. Потоа следи создавање јасна слика за тоа каде сакате да бидете.
Да си дадете искрен одговор на прашањето:
Што сакам – наспроти – што не сакам
(да не ја збунуваме златната рибка).
Јазот помеѓу тоа каде сте и каде сакате да бидете го пополнуваме со акциони чекори – како скали што ве носат кон посакуваната слика. Важно е чекорите да бидат:
- Јасни
- прилагодени на вашите моментални можности
- предизвикувачки, но не парализирачки.
Да се биде среќен и успешен е едноставно, но не е секогаш лесно.
Често во детали го планираме следното патување со образложение дека тоа е важно. Но не помалку важен е и животот. Кога ќе му се посветиме и ќе го водиме кон посакуваната иднина, нема толку често да чувствуваме потреба да „избегаме“ од него во некое следно патување.
Имањето јасен план ни дава стабилност, но и флексибилност – исто како кога имаме план за патување, а сепак оставаме простор за интересни неочекувани можности по патот.
Формат на услугата – воведна бесплата сесија (усогласување на потребите и очекувањата) + пакети од 3, 5 или 7 сесии.
